મજબૂરી

રોજી-રોટી માટે વતન છોડી,

ભોગવી એમણે ઘણી હાડમારી છે,

મહામારી કોરોનાએ જાણે,

આપી એમના મોતની સોપારી છે.

સાહેબ, આ લોકો ભૂખ્યા છે,

એમને ભિખારી માનવું છે અવિચારી

મોતની બીકે, વતન તરફ,

એમણે આંધળી દોડ ઉભારી છે.

ગરીબી, બેકારી, બિમારી અને

મજબૂરીની આ મારામારી છે,

ભૂખ્યા પેટનો જઠરાગ્નિ,

પ્રગટે તો હંમેશા ખૂબ ભારી છે.

સાહેબ, આ લોકો ભૂખ્યા છે,

એમને ભિખારી માનવું છે અવિચારી

આ લોકોને સન્માન સાથે સાચવવા,

આપણા સહુની જવાબદારી છે.