મારી વ્હાલી મમ્મી
મારી વ્હાલી મમ્મી
મમ્મી, આ દુનિયામાં મને જન્મ આપશે કોણ ?
મમ્મી, તારા જેવો નિ:સ્વાર્થ પ્રેમ કરશે કોણ ?
મમ્મી, તારા જેવો મીઠો કોમળતાં ભર્યો સ્પર્શ કરશે કોણ ?
મમ્મી, તારા જેવી અપાર લાગણીનો ધોધ વહાવશે કોણ ?
મમ્મી, તારી જેમ આંચલમાં છુપાવશે કોણ ?
મમ્મી, તારાં વિનાં મારાં અશ્રુઓ અટકાવશે કોણ ?
મમ્મી, તારા વિના પપ્પાનાં તાપથી છાંયડો આપશે કોણ ?
મમ્મી, તારા વિના મારાં ઘડતર માટે કઠોર બનશે કોણ ?
મમ્મી,તારા વિના ગોદમાં રમીને સ્વર્ગની અનુભૂતિ કરાવશે કોણ ?
મમ્મી, તારાં વિનાં મારી હરેક મુંઝવણને છુમંતર કરશે કોણ ?
મમ્મી, તારા વિના મને મીઠો ટહૂકો "રાધા" કરી બોલાવશે કોણ ?
મમ્મી, તારી ધારા આ કાગળમાં કલમ વડે શબ્દોથી ગમે એટલું નવાજે,
તો પણ તારી વાત્સલ્યતા નાં દરિયા માટે આ સાહી પણ ખૂંટી પડે.