મારી માવડી

તનમાં હૃદયનાં તારનો ધબકાર છે મારી માવડી,

પ્રાણો ટકે એ શ્વાસને ભરનાર છે મારી માવડી,

ગમની કરચલીની કઈ તે દેન કે મુખ માહીં સજે ?

અનમોલ મીઠાં સ્મિતને ઘડનાર છે મારી માવડી,

મા લાગણીનાં ધોધનું અણમોલ મોંઘેરું રત્ન છે,

હર હર ક્ષણે એ હેતને સજનાર છે મારી માવડી,

જોજન ભલે ને દૂર રહે તોયે બની ગમની ઢાલ એ,

મમ કોડને શક્ય તો કરનાર છે મારી માવડી,

ક્યારેય ના અર્પી શકું મોંઘા એ ઋણ કેરા મોલને,

ઈશ્વરથી તો અનમોલ એ કિરદાર છે મારી માવડી.