મારી ભાષા ગુજરાતી
મારી ભાષા ગુજરાતી
સૌથી વ્હાલી મારી ભાષા ગુજરાતી
જેનું હોઠ પર નામ આવતાં ગજ ગજ ફૂલે છાતી
સૌથી વ્હાલી મારી ભાષા ગુજરાતી,
જન્મથી જ બોલતાં કર્યા માતૃભાષાએ કાલુંઘેલું
આજ કેમ લોકોને અંગ્રેજીનું આટલું લાગ્યું ઘેલુંં ?
બાળપણમાં કક્કો ઘૂંટીને તોડી માતૃભાષાની પાટી
સૌથી વ્હાલી મારી ભાષા ગુજરાતી,
જ્ઞાનથી સદા છલકતીને શબ્દોનો અખૂટ છે ભંડારો
જનની ને ધરાની જેમ માતૃભાષાને હૈયામાં કંડારો
માતૃભાષાનાં જ્ઞાનનાં અમૃતને પીજો તમે વાટીવાટી
સૌથી વ્હાલી મારી ભાષા ગુજરાતી,
ખોટા અનુકરણમાં તમે દોડી ગયાં અંગ્રેજી પાસ
માને મૂકી માશી પાસે જાય તેની જિંદગી છે લાશ
આજે માતૃભાષાને બચાવવાની જરૂર છે તાતી
સૌથી વ્હાલી મારી ભાષા ગુજરાતી,
આજે વટ પાડવા સૌ વાતવાતમાં બોલે છે અંગ્રેજી
અંગ્રેજીનાં ખોટાં રવાડે જ કરવી પડે છે આજીજી
માતૃભાષા જ આપણને રડાવતી અને મલકાવતી
સૌથી વ્હાલી મારી ભાષા ગુજરાતી.