લાઈબ્રેરી
પ્રોફાઈલ
લક્ષ્યવેધ.
લક્ષ્યવેધ.
1 min
27.5K
મીઠા શબ્દોથી વાણીની શરુઆત કરીએ.
ને એજ રીતે પરા શબ્દે રજૂઆત કરીએ.
વચનની દારિદ્રતા કોઈ કાળે ન ચલાવીએ,
શબ્દે રીઝાવી સામેનાને આત્મસાત કરીએ.
શુભ શરુઆત એ જ અડધું સંપન્ન ગણીએ,
ત્યાગી આળસને કર્મયોગીની નાત કરીએ.
કોઈ કામને મૂલતવાની વાત જ સાવ ખોટી,
વિટંબણાની નિશા હટાવીને પ્રભાત કરીએ.
છીએ માનવ શું ન કરી શકનારા આપણે?
અરિને પાઠ ભણાવી ખાટા એનાં દાંત કરીએ.
જાળવી રાખીએ જુસ્સો અથથી ઈતિ લગી,
લક્ષ્યવેધે વિજય વરીને પછી નિરાંત કરીએ.
