લડવું પડશે જ તારે

નથી લડવું બોલ્યો અર્જુન જ્યારે

વદે શ્રીકૃષ્ણ લડવું પડશે જ તારે 

જગાડે કુસંપ આ હિંસા દવને

માનવતા રડતી લાગે શવ

ડંખે મનડું અત્યાચારથી તવ પોકારે

વત્સ સ્વધર્મ અંદરથી જ્યારે

વદે શ્રીકૃષ્ણ લડવું પડશે જ તારે 

છોડી મર્યાદા ને અધર્મ ધસે

અટ્ટહાસ્યે પીડે સાધુતાને કષ્ટે

હણાય જગ શાન્તિ ધૃણા આતંકે 

થઈ શુભકર શસ્ત્ર ઉઠાવજે હાથે

વદે નિયંતા લડવું જ પડશે તારે 

ક્રૂર ને કાળમુખી શાસન ફાલે

કાયરતાથી તારી ભદ્રતા લાજે

જીવવા માને આ જગ સંસારે 

ધર્મ યુધ્ધ દેશે આહવાન પ્યારે

વદે શ્રીકૃષ્ણ લડવું જ પડશે તારે

ધમરોળજે થઈ વિશ્વાનલ  ભારે

બડભાગી જયઘોષ જગવજે હામે

વદે શ્રીકૃષ્ણ લડવું જ પડશે તારે