લાગે

પહેલીવાર માણસ સમજદાર લાગે

જવાબો અનોખા નવા વાર લાગે, 

છે નાજૂક હાલાત ફૂલોની જેવી, 

નજરમાં નથી કંઈ નિરાકાર લાગે, 

અજાણી મુસીબત ચડી આવતી ત્યાં 

પહેરો એ ભરતા અમલદાર લાગે, 

ઝૂકાવી જગતને થઈ જીત ત્યાં 

જમાવટ કરી એ સ્વીકાર લાગે, 

રટણ રોજ કરતી હરિનામનું ને, 

ન છોડે એ મારગ અરજદાર લાગે, 

જરા વારમાં શ્વાસ અધ્ધર થતો ત્યાં, 

પવન સંગ ઊડી વજનદાર લાગે ?

કહાણી નવી માંડશે દર વખત ત્યાં, 

હવે ઓળખાયો કલમદાર લાગે.