કયાંથી હોય
કયાંથી હોય
જિંદગીના દરિયામાં મોજાઓની આવન-જાવનમાં,
વીતેલી જિંદગીની જવાની કયાંથી હોય ?
શ્વાસને શ્વસતો રાખી શૂન્યવકાશમાં,
અંધકારમાં સોનેરી કિરણો ક્યાંથી હોય ?
ખરી પડ્યું છે પાન લીલું આ જગતનાં ઉપવનમાં,
આંસુઓની લજવાતી ભીંનાશ ક્યાંથી હોય ?
કુદરતી ઘટમાળમાં ક્યાંક ટાઢ, તડકો ને વર્ષાની હેલીમાં,
સમયચક્રને અટકાવાતી આહટ ક્યાંથી હોય ?
મારાં ને તમારાં થયેલાં અનેક આવન - જાવનમાં,
દિલને શણગારાતી આત્માની અજવાસ ક્યાંથી હોય ?
હું મુરખ છું છતાં પણ શોધું તને આ સંસારમાં,
ખાલી પ્રયાસ છે મારો આશ્વત ક્યાંથી હોય ?
રણમાં રહેલાં આ ઝાંઝવા જેવાં મૃગજળમાં,
આખી જિંદગીની વેઠાતી તરસ કયાંથી હોય ?
મેં તો આવકારી હતી અનેક ક્ષણોને મારાં પટારામાં,
પણ તેમાં જીવનનું વણલખ્યું પાસુ ક્યાંથી હોય ?
સ્તબ્ધ કરીને જીવન લહેરાવતું આ અગમ્ય સંસારમાં,
પ્રજ્વલિત આત્માનાં ઉજાગરનું ખેડાણ ક્યાંથી હોય ?
"સખી" નો છે આ પ્રયત્ન સઘળો જિંદગીનાં મુકામમાં,
જિંદગીને વલોવાતી આગની જ્વાળાઓ ક્યાંથી હોય ?