કસોટી રહેવા દે તું જીંદગી,
કસોટી રહેવા દે તું જીંદગી,
વારંવાર આમ કસોટી કરવાની રહેવા દે તું જીંદગી. ભાગ્યમાં લખેલ હોય એટલા દુ:ખ સહેવા દે તું જીંદગી.
ભલે આપી દે દર્દ એક સામટા, સહી લેશું અમે પ્રેમથી. વાત અમારા દિલ તણી કદી તો કહેવા દે તું જીંદગી.
આગમાં તપીનેજ કુંદન શુધ્ધ બને છે જાણુંજ છું હું. કસોટીની એરણ પર ચડાવે, પછી સુખ લેવા દે જીંદગી.
સૂકો રોટલો અને છાશ પીને પણ સંતોષ માની લઇશ હું. કદી તને ક્યાં કહું છું હું રોજ મીઠાઇને મેવા દે જીંદગી,
હદથી વધારે આપીશ તું પીડા એ સહી લેશું મક્કમતાથી. આંખમાંથી નીકળે આંસુ તો શાંતિથી વહેવા દે જીંદગી.