કરામતના કિસ્સા

ગુર્જર ધરાએ પાક્યા છે મહામૂલા રત્નો અપાર;

એના કરામતના કિસ્સા આજ સૂણે આખો સંસાર !

સૂકલકડી દેહે જેણે કીધો અન્યાય કેરો વિરોધ;

એવા અહિંસાની લડતથી આઝાદીનું સ્વપ્ન સાકાર. !

કઠણ કાળજું રાખી મજબૂત મનોબળ જેનું મહાન;

એવા સરદારી કરામત જુઓ દેશનો કર્યો અખંડ આકાર !

જેણે આપી આ દેશને ઊંચા અંતરિક્ષ ઉડાનની પાંખ;

એવા ઈસરોના વ્હાલા વિક્રમનો કરીએ નભતણો સત્કાર !

જેના પદ ભજનમાં જગત આખું દિસે એક બ્રહ્માંડ;

એવા શામળાજીના પ્યારા આદિ કવિનાં ગૂંજે ચમત્કાર !

હિંદની હકૂમતને સદા એણે અણનમ રાખી ઉન્નત શાન;

એવા હિંદના દાદાનો કરીએ આજ અનેરો જયજયકાર !

વંદન આ ધરતીમાત મોરી સ્વર્ગથી લાગે મને રળિયાત;

એની કરામતથી ડુંગરે , દરિયે ને રણમાં ખીલી ગુલઝાર !