ખુદને પ્રેમ

આજ મને થયું ચાલ ને આજ ખુદને પ્રેમ કરી લઉં

એકવાર ખુદ ને જ પૂછી લઉં તને જોઈએ છે શું ?

ઘરનું કામ કરીને થાકુ ત્યારે ખુદ જ આરામ કરી લઉં.

પછી ખુદ ને જ પુછી લઉં થાક ઉતરી ગયો કે નહીં ?

રાત પડતાં કંટાળો આવેતો મધુર ગીત સાંભળી લઉં.

સૂતા વેળાએ ખુદ ને જ પુછી લઉં મન મોજીલી થયું કે નહીં ? 

સવારે ઊઠતાં જ પોતાને જ શુભકામના આપી લઉં.

પછી દિવસભર કામ કરીને ખુદને પૂછી લઉં આનંદ મળ્યો કે નહીં ? 

પોતાની જવાબદારી પૂરી કરી ખુદને જ શાબાશી આપી લઉં.

પછી એકવાર અંતર મનને પૂછી લઉં વ્યાકુળતા જતી રહી કે નહીં ? 

પોતાની જાતને ખુશ કરવા બધાં જ પ્રયત્ન કરી લઉં.

પછી જાત ને જ પૂછી લઉં ખુશ થવા બીજો સહારો જોઈએ છે કે નહીં ?