ખેલે ઠાકુર હોલી

વસંત પાંચમથી ફાગ વદ એકમ સુધી

સ્વામીની સંગ વ્રજમાં ખેલે ઠાકુર હોરી

ચાલીસ દિ' નિત પ્રભુને ખેલાવાય

અવની રાતી થાય કેસર રંગ પથરાય

રૂડાં વસંતી પદો ને હોરી ધમાર ગવાય

ફૂલ ફાગ ને રસિયા ગાન મનોરથ થાય

અબીર - ગુલાલ કુમકુમ ચૌવા - ચંદનને

વિધ - વિધ રંગોની કંચન થાળીઓ સજી

કેસર કેસૂડાં જળમાં ઘોળી મટકીઓ ભરી

ગોપ - ગોપીએ હાથ સુનેરી પિચકારી ધરી

શ્યામા શ્યામ સુંદર સોનેરી શણગાર કરી

આવ્યાં બાગ પ્રભુ ડફ બજાવતાં કર ધરી

ભક્ત વિરહ પ્રતીક રૂપે રાળ દર્શન થાય

એ શોભાનું કરી વર્ણન "બંદગી" ગુણ ગાય

સ્વામીની સંગ વ્રજમાં ખેલે ઠાકુર હોરી