કેવો જાદુ છે તારા પ્રેમમાં

કેવો જાદુઈ સ્પર્શ છે !આં વરસાદી બુંદોનો,

વિધવાના મુંડન જેવી ધરતી જો ને દુલ્હન બની ગઈ.

કેવો જાદુ છે ,,! આં સોનેરી સૂરજની કિરણો માં,

એને જોતાં જ જો ને આં અંધારું પણ સંતાઈ ગયું.

કેવો જાદુ છે ! આં નૃત્યાંગના જેવી અલબેલી હવાઓમાં !

ફૂલને સ્પર્શતાંજ જો ને આ વાતાવરણ મહેકી ઉઠ્યું.

આ કેવો જાદુ છે ! રીમઝીમ વરસતી આકાશી બુંદોમાં,

છીપના મોમાં પડતા જ જોને એ અમૂલ્ય મોતી બની ગયું.

આ કેવો જાદુ છે ! આં સમંદરની લહેરોમાં,

એને જોતાં જ જો ને આં સરિતા સાગરની બાહોમાં સમાઈ ગઈ.

આ કેવો જાદુ છે ! આં વસંતના આગમનમાં,

જો ને ધરતીની આખી સુરત જ બદલાઈ જાય.

આ કેવો જાદુ છે ! તારા પ્રેમમાં !

હતી હું કાચ જો ને હું કંચન બની ગઈ.