હું તમારી વેલડી
હું તમારી વેલડી
1 min
1.6K
ટીંગાયેલી તસ્વીરમાંથી નિત જોઉં તારા ભણી,
હું લીલુડી વેલડી તારા આંગણના ઉપવન તણી.
જીવતર કેરી ભીંત તમે મારી એવી રે હતી ચણી,
જાતે કરીને દીધા ઘાવ ને એ ભીતને મેં જ હણી.
કાળજાથી મારી જાત જુદેરી તમે ક્યાંય ના ગણી,
હું ભૂલી શું ભાન એવું કે તારી વેદનાઓ અવગણી.
પલકારો પણ દોહ્યલો કરી રેશમ સરીખી મને વણી,
હું કટાયેલું લોહ ને આપ જ હતા મારા પારસમણી.
ટીંગાયેલી તસ્વીરમાંથી નિત જોઉં તારા ભણી,
હું લીલુડી વેલડી તારા આંગણના ઉપવન તણી.