જવાબદારીનો બોજ
જવાબદારીનો બોજ
ઉતરતી ચઢતી આ જિંદગી છે, ઉપરથી તે આ બોજ,
મારી નાખે અડધો માનવીને આ જવાબદારીનો બોજ.
કેટલા હારી ગયા, કેટલા જીતી ગયા, કેટલા હજુ રમે છે,
સારા સારા ને તે હંફાવી દે આ જવાબદારીનો બોજ.
નથી તે કોઈ મુશ્કેલી, નથી તે કોઈ ડર, કે નથી કોઈ સજા,
પણ છે તેનાથી જ કંઈક લગતું આ જબદારીનો બોજ.
આજની સદીનો માનવી કરે છે મુકાબલો ઉલ્લાસથી,
જીતી શુ જાય આ મારાથી કહે આ જવાબદારીનો બોજ.
કસોટી કરી તેણે નાના-મોટા, ધનિક-રંક કોઈ નથી બચ્યું,
'પ્રતીક' પણ તેમાં સહભાગી બને આ જવાબદારીનો બોજ.