જરૂરી છે
જરૂરી છે
જૂની યાદો હવે મીટાવવા રહેમત જરૂરી છે.
હવનમાં હોમવા માટે અહીં હિંમત જરૂરી છે.
વચન આપ્યું હતું મળશું ફરી ક્યારેક જીવનમાં,
ફરજ સમજી અહીં મળવા હવે કિસ્મત જરૂરી છે.
નકારી લાગણીઓને, રડી પડશે છૂપાવીને,
તમારી વાત કરવા સ્મિત ને મહેનત જરૂરી છે.
ટકોરા મારતી આવી સવારી એમની ત્યારે,
હસીને આવકારી આખરે ખિદમત જરૂરી છે.
નકામી આમતો ચિંતા કરી આફત ગળે લાવ્યાં,
પડે એવા ઉભા કરવા અહીં નિસ્બત જરૂરી છે.