જિંદગીનો જીતનાર

જિંદગીનો જીતનાર તું જ છે.

જિંદગીનું હારનાર તું જ છે.

તારી હિંમતને ઓળખનાર તું જ છે.

તારી નબળાઈને પારખનાર તું જ છે.

તારા પરોઢના સપનાને પૂરાં કરનાર તું જ છે

તારા કિંમતી સપનાને તરછોડનાર તું જ છે,

નિષ્ફળતાથી આખી જિંદગી ટૂંકાવનાર તું જ છે

નિષ્ફળતામાંથી કંઈક શીખનાર સફળ વ્યક્તિ તું જ છે,

ભગવાન પર આશા રાખી બેસનાર તું જ છે

પોતાની જાત મહેનત પર વિશ્વાસ રાખનાર તું જ છે,

નસીબને કોશી કિસ્મતની લકીર મિટાવનાર તું જ છે

નસીબની પરવા કર્યા વગર કિસ્મતમાં લકીર કંડારનાર તું જ છે.