જિંદગી જીવો
જિંદગી જીવો
જિંદગી જીવો તમે આરામથી,
જેમ કાદવમાં કમળ વિશ્રામથી,
ના ડગ્યું કાદવ સમા દલચક્રથી,
વિષ્ણુનું આસન થયું પયગામથી,
દુ:ખના ડુંગર ભલે તૂટી પડે,
સામનો તું કર સદા બેફામથી,
પીઠ પાછળ ઘા કરે એ જન અધમ,
ક્યાં ડગ્યું સત્ જૂઠના ઈલઝામથી ?
બસ ઈરાદો સાફ રાખી ચાલજો,
સુખ તો આવે નિત્ય એ અંજામથી,
પ્રેમ નિ:સ્વાર્થીની આબેહૂબ છબ,
તે વસે તીર્થોમાં રાધા શ્યામથી,
મા ધરા પાલવમાં સત્કર્મો જડી,
'પારુ' અંતિમ શ્વાસ ભર હરિ નામથી.