જીવન યાત્રા

જીવન એક અવિરત ચાલતી મંગલ યાત્રા;

ઉતાર ચઢાવની સંકલિત વિકાસ યાત્રા.

શિશુ, કિશોર, યુવા અને પ્રૌઢોની અવસ્થા;

જ્ઞાન, કર્મ અને ભક્તિ સંગમની જીવન આસ્થા.

ઈડ, ઈગો અને સુપર ઈગોમાં વ્યસ્ત છે દુનિયા;

ફેશન, સ્ટેટ્સ અને રંજનમાં મસ્ત છે દુનિયા.

સંસ્કૃતિ અને પ્રકૃતિ સંકલિત છે આ જગત;

પ્રભુભક્તિ અને સદાવ્રતમાં રસ મગ્ન છે આ જગત.

નરસિંહ, મીરાં અને ભોજા ભગતની આ છે ભક્તિયાત્રા;

ઈર્શાદ, બેદિલ અને બેફામની આ છે ગઝલ યાત્રા.