જીવન જીવવા માટે ઓછું પડે....
જીવન જીવવા માટે ઓછું પડે....
તું આવે ને જયારે જયારે મને અડકે,
મને આ જીવન જીવવા માટે ઓછું પડે.
બધાની વચ્ચે છુપતા છુપાતા,
કરે તું આંખનો અટકચાળો,
શરમથી લાલ થતા ગાલ જોઈ મારા,
તું આછેરું મલકે,
મને આ જીવન જીવવા માટે ઓછું પડે.
મુઠ્ઠીભર માંગેલી ખુશીઓની સામે,
તું સુખનો ઘુઘવતો સાગર થઈને છલકે,
મને આ જીવન જીવવા માટે ઓછું પડે.
હું તો વાંછટમાં ભીંજનાર માણસ,
તું લાગણીઓનું વાદળ બની,
મુશળધાર મારી પર વરસે,
મને આ જીવન જીવવા માટે ઓછું પડે,
જિંદગીનું બીજું નામ એટલે તુ,
તારા પ્રત્યેક સ્પર્શે,તું પ્રેમ બની,
મારી રગે રગમાં લોહીની સાથે પ્રસરે,
મને આ જીવન જીવવા માટે ઓછું પડે.