ઈશ્વર સાથે મારે વાત થઈ ગઈ
ઈશ્વર સાથે મારે વાત થઈ ગઈ
ઠોકરો ખાઈ ખાઈ ને સુંદર મારી ભાત થઈ ગઈ,
એટલેજ ઇતિહાસમાં પ્રસિદ્ધ મારી જાત થઈ ગઈ.
આકાશના ચાંદ સાથે દોસ્તી કરી લીધી મે,
એટલે જ તો દરેક હસીન મારી રાત થઈ ગઈ.
બાગોના ફૂલો સાથે કરી લીધી મે દોસ્તી,
એટલે જ મારે આંગણ સુગંધની બારાત થઈ ગઈ.
કુદરતના સાનિધ્યમાં જાતને એક કરી નાખી,
એટલે જ આ હૈયાને જાણે નિરાંત થઈ ગઈ.
કુદરતના એક એક કણમાં ઈશ્વરનો અહેસાસ કર્યો,
એટલે જ આજે ઈશ્વર સાથે મારે વાત થઈ ગઈ.