હોયના વેવારનો

પ્રેમ આજે થઇ ગયો વેપારનો,

એટલે માણસ થયો બેકારનો.

આ જખમ ક્યારેય પણ મટશે નહીં,

ઘા થયો એના શબદના વારનો.

વોટ ફેંકી ચૂંટતા નેતા બધાં,

ને પછી ક્હે વાંક છે સરકારનો.

વાંક ગ્રાહકનો બધો છે જેટલો,

એટલો છે વાંક આ બાજારનો.

વાત કરવાના નથી, સંબંધ ને,

આજ લેં આધાર એ અખબારનો.

ફોન પર મળતાં બધા માણસ હવે,

સામ સામે હોય ના વેવારનો.

માફ કરજો હે બધાં તરસ્યાં જનો,

મોતના લીધે નાહ્યો બેવારનો.

ગાલગાગા ગાલગાગા ગાલગા