હળવાશ ૫૫
હળવાશ ૫૫
ઝાકળ થઈને પાંદડું ખખડાવવાનું બંધ કર,
કાં તો પછી બે ફૂલડાં ઝઘડાવવાનું બંધ કર.
હળવાશ જો શોધે, તને મળશે જ તારી પાસમાં,
આખા નગરમાં વેદના વગડાવવાનું બંધ કર.
'છોડી જવાનું' એકલા એવો નિયમ કુદરત તણો,
તો, સ્નેહ તારો કોઇને પકડાવવાનું બંધ કર.
તારે ઘરે બે આવતા ચણ માંગવા પંખી હજી-
જો આપવું ના હોય તો રખડાવવાનું બંધ કર.
માંગ્યા મુજબ શબ્દો તને આપી જ દ્યે, એ ના બને,
શબ્દો ઉછીના લઇ ગઝલ ધવડાવવાનું બંધ કર !