હેતના ઢોળાવ

હા, આ હેતના ઢોળાવ,

ઢળ્યાં તોયે ખાલી ના થયા,

ખીલ્યાં પુષ્પોને માળી થયાં !

હા, આ હેતના ઢોળાવ,

એક ડાળના બે પંખી,

મનના આકાશે છાયા ઝંખી !

હા, આ હેતના ઢોળાવ,

ઉગતાં સૂરજે શમણાં લલચાણાં,

તેજ, આથમતાં સૂરજે મળી હરખાણાં !

હા, આ હેતના ઢોળાવ,

રીઝવે હ્રદય જાણે નાના બાળ,

ભરી રંગોને બાંધે સ્નેહની પાળ !

હા, આ હેતના ઢોળાવ,

લાગે સાગર ભરી પ્રીતની ગાગર,

ઓઢી જ્યારે સમજણની ચાદર !

હા, આ હેતના ઢોળાવ,

ચડે મળી, મિત્રતાના ઢાળ,

પૂરક એટલાં જાણે બીબાઢાળ..!!

હા આ તો હેતના ઢાળ !