હે ! માતૃભૂમિ!
હે ! માતૃભૂમિ!
જન્મ થયો મારો જે ધરતી પર,
એ માટી તો અદમ્ય સોહે નિરાળી !
રોમરોમે વહે રક્ત તારું જ,
ને મળી હર્યાભર્યા જીવનની હરિયાળી !
હે ! માતૃભૂમિ !
તારો જ પ્રાણવાયુ ને અન્ન તારું,
મુજને તે અવિરત પોષી લીધું !
તારાથી દૂર જવાની વાતે તો,
મારા તન-મનને કેવું શોષી લીધું !
હે ! માતૃભૂમિ !
તારે ત્યાં ઉછરીને મુજને,
જે સાચા હદય સંસ્કાર મળ્યા !
એને જ મારી ફિતરત બનાવી,
તો બમણાં થઈ એ પાછા વળ્યા !
હે ! માતૃભૂમિ !
આ ઘડી તો હું તુજથી દૂર છું,
મા !તને મળવાની અતિશય ચાહ !
તારા સ્મરણોને ચુમી આજ ઝુમી લઉં !
મા ! જાણી લે મારી ભીતરની આહ
હે ! માતૃભૂમિ !
નયનો મારા કરે પલકારા,
તારા અનુપમ દૄશ્યની વણઝારમાં !
ન રહેવાય હવે ! હું આવું સમીપ,
તુંયે આવ 'સ્વપ્નીલ'ની સ્વપ્નઝલક શણગારમાં !
હે ! માતૃભૂમિ !
વંદન મારું ને ચંદન તારું,
નમું તુજને હે ! મા ! માતૃભૂમિ !