ગઝલ - પ્રશ્ન
ગઝલ - પ્રશ્ન
ખાલી ગાગર તો ભરાશે, ખાલી હૈયાને ભરીશ હું કેમ?
સંસાર સાગર છે ખારો, એને એકલી તરીશ હું કેમ?
સપનામાં આવીને સતાવે છે, રોયો કેમે માનતો નથી,
ઓળખતી જ નથી એને, આખું આયખું ધરીશ હું કેમ?
જાણતી નથી એને શું ગમે છે? મુંજવણ છે આ મારી,
આવીને જો એ મારું દીલ માગશે, તો કરીશ હું કેમ?
બીજું બધું તો ઠીક છે પણ પ્રશ્ન એક જ છે મારો,
તમે જ કહો, આમ સાવ અજાણ્યાને વરીશ હું કેમ?
લાગે સહેલું, પણ નથી સહેલું મનને મનાવવું 'જશ',
ગમે તેની સાથે જીવતરના આ ફેરા ફરીશ હું કેમ?