ગીત : ઓઢણું

ઓઢણું તારું લીલીછમ્મ વ્હાલું 

કે આ મારું પાલવમાં દિલ ખોલું..

સોનેરી કોર ને એમાં બુટ્ટા રંગીન,

કે લીલીછમ્મ સંવેદના ઝબોળું..

ઓઢણાંના રંગોની લાલાશ હાશ..

તરણું બનીને સપનામાં ઢંઢોળું..

Advertisement

>

ચસોચસ વીંટળાતું ભીતરે નક્કી

છાનું છપનું કૈંક ભીંસે એ ખોળું..

વાયરે સેલ્લારા મારતી ઓઢણી

છદ્મવેશે લીલા શણગારો ઢોળું..

માંહ્યલો મધમધ બેઉં નોખાં નક્કર

છમ્મ્ ઝબોળી એમાં કસૂંબો ઢોળું..