ટપાલ

પત્ર એક મિત્રતાનો,

લખ્યો વિના સરનામે,

મિત્રતાને નામે લખ્યું નામ મારું,

વ્યથિત રહું અસમજણના ઓથે,

રાખું છું સદાયે પૂર્ણ આસ્થા ,

મિત્ર તારા થવું એવી એક આશા,

બંધ કવરમાં પત્ર નાખ્યો ટપાલ પેટીમાં, 

પહોંચ્યો પત્ર પ્રભુના દરબારમાં,

અહોભાગ્ય કેવા !

વાંચ્યો પ્રભુએ પત્ર મારો,

વળતો જવાબ આપ્યો પ્રભુએ મારો,

કલમ ને કાગળ તારો મિત્ર,

સદાયે તારી સાથ રહે નિભાવજે મિત્રતા,

વ્યથિત ન રહીએ અસમજણના ઓથે,

અંતિમ શ્વાસ લગી સાથ આપશે,

વિના સરનામાની મળી એક ટપાલ.