ઘણું બધું પાછળ રહી ગયું

કેવી રીતે કહું શું અને કેટલું પાછળ રહી ગયું?

બાળપણની વાતો યાદ કરતા તો,

ઘણું યાદ આવે છે પણ​,

ઘણું બધું મેળ​વ્યું અને,

ઘણું બધું પાછળ રહી ગયું,

નિશાળે જ​વાની આનાકાની થી લઈ,

બગીચામાં જ​વાની જીદ સુધી ઘણું મેળ​વ્યું પણ​,

છતાંય ઘણું બધું પાછળ રહી ગયું,

મિત્રો સાથે રમ​વાની મજા અને,

ઘરે જતા મોડું થતા મળતી સજા પણ​,

છતાંય ઘણું બધું પાછળ રહી ગયું,

પોતાના ડબ્બામાં નાસ્તો હોવા છતાં,

બીજાના ડબ્બામાંથી ખાવાની મજા પણ​,

છતાંય ઘણું બધું પાછળ રહી ગયું,

રસ્તા ઉપર રમતો રમવી અને,

વાગ્યા પછી મોટે મોટે થી રડી ગામ ભેગું કર​વું પણ​,

છતાંય ઘણું બધું પાછળ રહી ગયું,

જેણે પહેલી વાર જોઈને,

પેટમાં ગલગલીયા થ​વા અને,

એની સાથે વાત કરવામાં બીક લાગ​વી પણ,

છતાંય ઘણું બધું પાછળ રહી ગયું,

દિવાળીમાં બાજુંવાળા ઘરની બારીમાં ફટાકડો મૂકી ફોડ​વો પણ​,

છતાંય ઘણું બધું પાછળ રહી ગયું,

ન​વરાત્રીમાં મોડા સુધી ગર​બા રમવા અને પછી સવારમાં નિશાળે મોડા જ​વું પણ​,

છતાંય ઘણું બધું પાછળ રહી ગયું,

નિશાળમાં કોઈનાં જન્મદિવસની મળેલી ચૉકલૅટ પણ ખૂબ મીઠી લાગતી પણ​,

છતાંય ઘણું બધું પાછળ રહી ગયું,

જ્યારે જુવાનીમાં પગ મૂક્યો ત્યારે ખબર પડી ઘણું બધું નહિ પણ​,

પુરેપુરું બાળપણ પાછળ રહી ગયું!