એવી પણ એક સાંજ મળે

એવી પણ એક સાંજ મળે

જ્યાં ખુદથી ખુદની મુલાકાત મળે

દુનિયાના મોહ માયાના પિંજરમાં કૈદ થઈ છું

બસ પિંજરમાંથી ઉડવા પાંખો મળે

ભૌતિક દુનિયાના ઝળહળાટમાં ભૂલી ગઈ 

હું મારા આત્માને

બસ આત્માને જાગૃત કરવાની એક ક્ષણ મળે

એવી પણ એક સાંજ મળે

મારું મારું કરતા આખો જન્મ ગુમાવ્યો

હીરલા સરીખો આવો મનખા દેહ ગુમાવ્યો

બસ હીરાનું મૂલ્યાંકન આંકવાની એક ક્ષણ મળે

એવી પણ એક સાંજ મળે

ઊગે છે એ આથમે છે જન્મે છે એ મૃત્યુ પામે છે

બસ કરે છે જીવન બીજા માટે ફના

એજ લોકોના દિલમાં જીવે છે

બસ એવી સમજણનો સાક્ષાત્કાર મળે

બસ એવી પણ એક સાંજ મળે

ઈશ્વર છે દરિયો આદમી એક બુંદ

બસ બની આકાશી બુંદ

દરીયામાં ભળવાનું ભાગ્ય મળે

બસ એવી પણ એક સાંજ મળે