એથી છે એ હરિ

કદી કોઈનો ન રાખે ભાર એથી છે એ હરિ,

ઉન્નત હોય જેના વિચાર એથી છે એ હરિ,

સર્વજન હિતાય એ નિર્ણય કરનારો પ્રભુ,

ભક્ત કાજે ન લગાડે વાર એથી છે એ હરિ,

ક્ષમાભંડોળ એનું અખૂટ ભર્યું છે હૈયામાં,

સૌને એ છે તક આપનાર એથી છે એ હરિ,

સ્તુતિ નિંદા ઊભયથી સદાય એ પર રહે,

ભાવનાનો ભૂખ્યો પારાવાર એથી છે એ હરિ,

ભૂલી જાય છે અપરાધો મનુજનાં શ્રીહરિ,

ગુણ જોઈને કરે છે વ્યવહાર એથી છે એ હરિ,

બધાને એકસરખા ગજથી નથી માપનારો,

પનો જોઈને પછી આંકનાર એથી છે એ હરિ.