એક જ નામ 'કાન્હ'

શ્વાસે શ્વાસમાં રમી રહ્યું છે,

બસ, એક જ નામ તારું કાન્હ.

મીરાં બનીને તને શોધું છું જગમાં,

ને રાધા બનીને જોઉં તારી વાટ.

ક્ષણક્ષણમાં પળપળમાં શોધું છું તુજને,

એ પળપળમાં ક્ષણક્ષણમાં ખોઉં છું મુજને.

વાંસળીના તારા એ સુર ફરી રેલાવે તો,

શોધું હું મુજમાં જ મુજને ફરીને.

શ્વાસે શ્વાસમાં ભરી લઉં એ સુરને,

જે સ્પર્શે મારા તન-મનને ને મુજને.

વાટ જુએ છે ઓ કાન્હા મારી આંખડી

શ્વાસ લઉં જોઇને તુજને હું આખરી.

શ્વાસે શ્વાસમાં રમી રહ્યું છે,

બસ, એક જ નામ તારું કાન્હ.