એ પ્રીત ના પાછી માંગી રે

ડોલે છે આ જગ જે તાલે

એ ધૂન તો હવે લાગી રે,

દિલના તાર પર સૂર બેઠા

ને સુરીલી સિતાર વાગી રે,

કરી જે તુજથી મેં

એ પ્રીત ના પાછી માંગી રે,

તારા તરફ પગલાં જે માંડ્યા

એ સડક જ્યારથી ચાખી રે,

મૂકી બધુંય કોઈ ખૂણે

મે મંઝિલ તને રાખી રે,

કરી જે તુજથી મેં

એ પ્રીત ના પાછી માંગી રે,

આવીશ આ બાજુ કયારેક

વિચારી ડેલી ના વાખી રે,

વાટ જોઈને બેઠા ત્યાં જ

જાગી આંખ રાતો આખી રે,

કરી જે તુજથી મેં

એ પ્રીત ના પાછી માંગી રે,

જોઈ તને જે પળે મે

ચહેરા પર લટ વાંકી રે,

અને વરસ્યો મેઘ લાગણીનો

એ વાતો પર છત્રી ઢાંકી રે,

કરી જે તુજથી મેં

એ પ્રીત ના પાછી માંગી રે,

હિંમત ના થઈ કહેવાની

કરી અમે પાની પાછી રે,

હશે ક્યાંક એમને પણ

અમારા માટે લાગણી આછી રે,

કરી જે તુજથી મેં

એ પ્રીત ના પાછી માંગી રે.