એ ભોમ પર જન્મ લેવાનો

જેની ભોમ છે ઋષિઓના જન્મથી લઈ,

"ભારત માં" ની રક્ષા કાજે 

બલિદાન દેનારા વીર સુધીની 

 એ ભોમ પર જન્મ લેવાનો ગર્વ મને,

જે ભોમ પર ઉતર્યા ખુદ શ્રીકૃષ્ણ 

સુદામાની મિત્રતા કાજે,

ને એમાંય હનુમાન જેવી રામ ભક્તિનો સાદ થઇ ફરે,

એ ભોમ પર જન્મ લેવાનો ગર્વ મને,

જે ભોમ ખુદ સોનાની ચીડિયા ને 

ને ફોરેનમાં જઈ ડંકો ભારત માંનો કરે 

ને આ ફોરેનરોય 

ભારતની ધરતીને સાદ કરે,

એ ભોમ પર જન્મ લેવાનો ગર્વ મને,

જ્યાં ભાષા છે અમારી અલગ અલગ,

છતાંયે સપ્તરંગી જેવા અમે 

હસતા ખીલતા,

સૌમાં ભળી એક રંગી બને,

એ ભોમ પર જન્મ લેવાનો ગર્વ મને,

જ્યાં ભૂલો થાય, જ્યાં બેકારીય છવાય ને 

પડી - પડી પાછા ઉભા થઈ,

બધાય તુફાનો સામે 

હસતા મોઢે ઝઝુમતા રહે,

એ ભોમ પર જન્મ લેવાનો ગર્વ મને,

જ્યાં નારી તું નારાયણી,

ને દરેક ક્ષેત્રમાં સમાન હક

પામનારી બને,

એ ભોમ પર જન્મ લેવાનો ગર્વ મને,

જ્યાં આ નદી શબ્દોની ધાર,

ને ઝરણાનાં મીઠા સંગીત સાથે 

જંગલોય નૃત્ય કરે,

ને પશુ-પક્ષીઓ જ્યાં વ્હાલ કરી,

માનવતાની મિશાલ કાયમ કરે,

એ ભોમ પર જન્મ લેવાનો ગર્વ મને 

જ્યાં તું કે હું નહીં " આપણે "નાં સંબંધો આપોઆપ બને,

એ ભોમ પર જન્મ લેવાનો ગર્વ મને,

પ્રેમના મીઠા બોલ જે હર ઘર -ઘર વહે,

આજ આ જોઈ મારુ હૈયું ગદ-ગદ થઈ,

આવતા બધાય જન્મારા આ ભોમ નામે કરે.