દુનિયા રંગરંગીલી

જરા કલ્પો તો ખરા ઈશ્વરે કેવો સર્જ્યો રંગ જાંબલી,

દરેક કૃતિ જુદી કોઈ રાવણો, કોઈ સક્કરખરો ને કોઈ ઓર્કિડની કળી.

વિશ્વાસ ને વફાદારીનું પ્રતીક એવો આ મજાનો નીલો,

તું ચાલે ત્યાં ચાલુ હું ને એમ ચાતરુ સાવ નવો ચીલો.

ધાર્મિકતા ને આદર્શનો ઝંડો લઈ ચાલતી જાણે કો વાદળી,

નાનકડાં છોકરાંના ગળામાં મરક- મરક થતી માદળી.

વિકાસ-વૃદ્ધિ અને સ્વનિર્ભરતા માટે રચ્યો તેણે આ લીલો,

મહેનત કરો ને આગળ વધો એ સૂર કયારેય ન પડે ઢીલો.

બુદ્ધિમતા ને આનંદને વધાવી રહ્યો છે જાણે પીળો,

ટેક્નોલોજી ને પ્રતિભા થકી સર્વત્ર વાગી રહ્યો છે ડંકો ગર્વિળો.

આશાવાદને લઈને આગળ લઈને ચાલી રહ્યો છે આ નારંગી,

સૌને સાથે લઈ ચાલો ને સૌનું સારું કરો જે હોય સત્સંગી.

મહત્વકાંક્ષાની વાત સૌને સમજાવો છે આ રાતો,

કામ કરો ને સફળતા મેળવો માત્ર ન કર્યા કરો વાતો.