"સૌની પોતપોતાની પાનખર"
"સૌની પોતપોતાની પાનખર"
1 min
6.8K
સૌની જુદી-જુદીને પોતપોતાની છે પાનખર,
ગોકુળ છોડ્યા પછી કાનાની આંખમાં રહેલ કાયમની અસર
તે કૃષ્ણની પાનખર,
ગૃહત્યાગ વખતે જોઈ રહેલ સીતાની ટગર-ટગર નજર
તે રામની પાનખર,
ત્રણ ગોળીથી હે રામનું થવું લોહીથી તરબતર
તે દેશની પાનખર,
માળામાં મૂકી જાય ઈંડા ને કાગડી હોય બેખબર
એ કોયલના માતૃત્વની પાનખર
હસતું બાળક, ખીલતું ફૂલ ને વાદળું ઝરમર જ્યારે કરે ના અસર તો
તે માણસાઈની પાનખર,
સૌની જુદી-જુદીને પોતપોતાની છે પાનખર.