વાંદરાની વેદના

અમારા સંવાદદાતા જણાવે છે

કે

આજે વહેલી સવારે

એક વાંદરાએ

આપઘાત કરી લીધો છે.

વધું

તબદીશ કરતાં, તપાસ કરતાં,

છાનભીન કરતાં જણાયું છે કે

આ

એ જ

વાંદરો હતો

કે

જેણે

ખરી ગયેલા પર્ણો વાળા

વૃક્ષનાં ઠૂંઠે

બેસીને

કારગીલનું યુદ્ધ નિહાળ્યું હતું.

પોસ્ટમોર્ટમનો રિપોર્ટ

એ છે કે

છેલ્લા કેટલાય સમયથી

આ વાંદરાને

વેદના થતી હતી.

તેને એક પ્રશ્ન સતત

સતાવતો હતો,

કોર્યે જતો હતો,

રીબાવાતો હતો.

ક્યાંક હું માણસ બની જઈશ તો?!