ધૂળેટી

ફાગણિયો આવ્યો ને વાસંતી વાયરો રે લાવ્યો

ધૂળેટીનો ભાઈ તહેવાર રે આવ્યો,

રંગોનો કરીશું ગુલાલને આનંદના બાંધીશું પોટલાં 

દુઃખનાં ભૂલી રંગો અમે સુખના રંગીશું રે ઓટલા

ધૂળેટીના તહેવારને ફાગણિયે ચારેકોરથી વધાવ્યો 

ધૂળેટીનો ભાઈ તહેવાર રે આવ્યો,

ખજૂર,ધાણી ને કેસૂડાના રાતાચોળ લાવ્યો રે રંગ

લાલ, પીળા, કાળા ને ધોળા રંગોથી ખેલાયો જંગ

ધૂળેટીનો આ તહેવાર સૌનાં હૈયાંમાં હર્ષ જગાવ્યો 

ધૂળેટીનો ભાઈ તહેવાર રે આવ્યો,

નાના મોટાં સૌને ગમતો ને સૌ કરતાં રંગોને પ્યાર 

ફાગનો આ તહેવાર સૃષ્ટિમાં લાવ્યો રે શણગાર 

સૌ તહેવારમાં રંગોનો ઉલ્લાસ છે સાવ સવાયો

ધૂળેટીનો ભાઈ તહેવાર રે આવ્યો.