ધુમાડો
ધુમાડો
ધુમાડો-ધુમાડો જ આસ-પાસ છે
તું શ્વાસ કેમ લે’છે ? આ કેવી વાસ છે ?
એ તું નહીં સમજે આ ચીજ ખાસ છે
તો બધાંને અલગ થાય અહેસાસ છે !
એ જેની જેવી મતિ એવો લિઆઝ છે
તો સ્મોક કરતાં હર માનવ કંઈ ખાસ છે ?
આદત નથી તને ને તું બીબીનો દાસ છે
બીડી મારી નાંખે, જ્યારે બીબીમાં લિઆઝ છે,
નાપસંદ હોયતો હટ, કાં કરતો બકવાસ છે ?
હું કહીશ કેમકે તું મિત્ર મારો ખાસ છે,
કાં રચવો તારે નવો ઈતિહાસ છે ?
ના, લાવવો તારા જીવનમાં ઉજાસ છે,
શું તારી પાસે એવી કોઈ ટોર્ચ ખાસ છે ?
તું નહીં સમજે આજ બન્યો બદમાશ છે,
શ્વાસ. . . . . . શ્વાસ. . . . શ્વાસ. . . . . !
હું શોધું છું ક્યાં ગયાં મારાં શ્વાસ છે ?
આજ મારો મિત્ર મુજથી ફરી ઉદાસ છે !
લે,આ શું બોલ્યાં તેઓ ? આ મારી લાશ છે !
હા મિત્ર સાચું કહું આ આદત ત્રાસ છે,
તું સાંભળે છે મુજને ? મને ગમી સુવાસ છે,
પણ, મા રડી રહીને તારી આંખે ભીનાશ છે ?
અરે, ખુશ થાઓ મટી રહ્યો તમારો ત્રાસ છે,
ધુમાડો-ધુમાડો જ બસ આસ-પાસ છે !
હો વ્યસનતો છોડો કે’આ જીવન ખાસ છે.