ધન ધરતી સૌરાષ્ટ્રની…

સાવ અનોખી છે આ ધરતી,

જ્યાં ભક્તિની છે શક્તિ,

એ ધન ધરતી સૌરાષ્ટ્રની…

ગિરનાર બેઠો વાળી પલાઠી,

સિંહો તણી છે જ્યાં વસ્તી,

એ ધન ધરતી સૌરાષ્ટ્રની…

દ્વારિકાધીશને સુદામાની,

અમર મૈત્રીની કહાની,

એ ધન ધરતી સૌરાષ્ટ્રની…

દતનાથ ને આદિનાથની,

જય થાય જ્યાં સોમનાથની,

એ ધન ધરતી સૌરાષ્ટ્રની…

આબરૂ જેની મૂછો સાચવતી,

શૌર્યની પહેરે જે પાઘડી,

એ ધન ધરતી સૌરાષ્ટ્રની…

સેવાની જ્યાં ધજા ફરકતી,

વટને વચન પાળનારી,

એ ધન ધરતી સૌરાષ્ટ્રની…

‘અર્જુન’ને એ પ્રાણથી પ્યારી,

પ્રભુને ગમતી જે ધરતી,

એ ધન ધરતી સૌરાષ્ટ્રની…!