Library
ડરામણું દ્રશ્ય
ડરામણું દ્રશ્ય
વૃક્ષો વિનાની ધરા લાગે સુનીસુની,
રંગબેરંગી ફુલો વિના સુંદરતા નકામી,
પ્રકૃતિથી વિમુખ લાગે ડરામણું પ્રકૃતિ દ્રશ્ય !
ઝાડપાન ને પક્ષીઓ કરે કલશોર,
ધરા બને જાણે સંગીતથી ભાવવિભોર,
પ્રકૃતિથી વિમુખ લાગે ડરામણું પ્રકૃતિ દ્રશ્ય !
આકાશે શોભે ચંદ્ર અને તારા,
તેના થકી ગગનમાં છૂટે અંધારાં,
પ્રકૃતિથી વિમુખ લાગે ડરામણું પ્રકૃતિ દ્રશ્ય !
રંગબેરંગી ફુલોને ઉડતા પતંગિયા,
ટમટમ કરતા પ્રકાશિત આગિયા,
પ્રકૃતિથી વિમુખ લાગે ડરામણું પ્રકૃતિ દ્રશ્ય !
ખળખળ વહેતા પાણીના ઝરણાં,
જંગલમાં વિહરતા રુપાળા હરણાં,
પ્રકૃતિથી વિમુખ લાગે ડરામણું પ્રકૃતિ દ્રશ્ય !
ઉંચા ઉંચા આભે પહોંચતા ડુંગરા,
એના થકી ધરા પર શોભે મિનારા,
પ્રકૃતિથી વિમુખ લાગે ડરામણું પ્રકૃતિ દ્રશ્ય !
નદીમાં તરતા રંગબેરંગી માછલાં,
દોડાદોડી કરતા ધોળાં ધોળાં સસલાં,
પ્રકૃતિથી વિમુખ લાગે ડરામણું પ્રકૃતિ દ્રશ્ય !
ઉંચા આકાશે ઊડતાં પક્ષીઓ,
કલરવ કરી મન મહેકાવે પક્ષીઓ,
પ્રકૃતિથી વિમુખ લાગે ડરામણું પ્રકૃતિ દ્રશ્ય !
