લાઈબ્રેરી
પ્રોફાઈલ
ચાલને આજે
ચાલને આજે
1 min
156
ચાલને આજે ખુલ્લા ગગને વિહરીએ
શિયાળાની ઠંડીને બેઠા બેઠા માણીએ,
ચાલને આજે....
ઠંડી ઠંડી પવનની લહેર સંગે
મીઠી મીઠી વાતોની ગોષ્ઠિ કરીએ,
ચાલને આજે...
કાળાં કાળાં વાદળને ઠંડીની છે રાત
બંધ દીવાલોની બહાર આજ માણીએ,
ચાલને આજે...
બાજરીનો રોટલો સાથે રીંગણનું ભરથું
ભૂલાવી દે જમણ હોટેલનું એ જમીએ,
ચાલને આજે....
બંધ કબાટમાં પડેલ છે સ્વેટરને મોજા
આજે એને પણ ખુલ્લાં ફરવા દઈએ,
ચાલને આજે.
