બૃહદ્દ આત્મા
બૃહદ્દ આત્મા
સ્વતંત્ર વહે દિલ ખોલી ઝરણાં,
પંખી રવે, સાથ મળી ચણે ઘણાં,
પ્રકૃતિ માતા નિજ ગાન સૌમ્યનું
રોકે કદી ના,
પાષાણથી કાય પછાડતી જતી,
રોષે ન તોયે વહેતી હશે નદી,
વૃક્ષો હલાવી સુ-ડાળો નમી નમી
ઊભેલ તાપે, ઝરવે અહો અમી !
ત્યજી અખૂટ નિજ માલિકી તણું,
વાસે મહામંતર એક - 'આપણું',
ના વાડ છે, બંધ અતૂટ કે કડી,
કિન્તુ, વરી સંકુચિતા જને વડી,
વેચે ઉરોને તરસ્યા વત્સલામી -
ના લોકને ખોટ નેણે રહી પામી,
આપે ઉતારો કહીં 'આવ'નો સાદ,
હૂંફે રચેલા મુખથી સ્મિતે ભરી,
અમીરી હા ! ખરી,
પ્રકૃતિ માતા શી સર્વસ્વ નિર્ઝરી.