બપોરની ઊંઘ

શાંતિનો અહેસાસ કરાવે છે બપોરની ઊંઘ. 

ટેન્શનો સહજ એ ભૂલાવે છે બપોરની ઊંઘ. 

મીઠી નિંદ્રા જાણે કે સ્વર્ગની સફર કરાવે છે,

તાજગી તનમનમાં એ લાવે છે બપોરની ઊંઘ. 

બની જાય છે પથારી પ્રિય બપોરા કર્યા પછી,

બગાસાં સંગાથે રખેને આવે છે બપોરની ઊંઘ.

અનહદ મધુરી લાગે છે વળગણ હોય ઝાઝું,

એ સમયે ક્યાં કોઈ કામ ફાવે છે બપોરની ઊંઘ. 

હોય છે અધિક આનંદ આપનારી રાત્રિ કરતાં,

જીવમાત્રને નિંદ્રાસન લલચાવે છે બપોરની ઊંઘ.