બંધ મકાન
બંધ મકાન
1 min
359
વર્ષોથી એમ જ ખાલી પડ્યું છે આ બંધ મકાન,
કંઈ કેેટલીય યાાદો સમેટીને ઊભું આ બંધ મકાન.
છોડી માળો પોતાનો પંખી ચાલ્યા નવા ઠેકાણે!
પાછા ફરવાની એની રાહ જોતું આ બંધ મકાન.
હતી શી જાહોજલાલી ને શા હતા ઠાઠ એનાં,
આજે જર્જરિત દશામાં સડતું આ બંધ મકાન.
ઉભરાતું હતું કેવું હંમેશા જે માનવ મેદનીથી!
આજે એકાંકી હાલતમાં તરફડતું બંધ મકાન.
સજાવ્યું હતું જેણે પ્રેમથી ને લાગણીથી સદાય,
આજ એ જ લોકોને ફરી ઝંખતું આ બંધ મકાન.