બળતો બપોર

વૈશાખી વાયરો; બળતો બપોર

ઊની- ઊની લૂ ના ચટકા ચારેકોર

સૂરજ દાદા થોડા આછા તપો

કેમ કરી ખમવા તમ કિરણોના જોર? 

આકરી આ જંજાળ; મોંઘવારીની માર

એમાંય; તમ પ્રખર તાપનો નહીં પાર! 

તળીયા શેકાય અહીં ; સરોવર સૂકાય અહીં

તમને કળાય નહીં! શું થોડા રીઝશો નહીં ?

દાદા એ મૌન તોડ્યુ નહીં !

વલોપાત થયો મનમાંહી

ભૂલ તો નથી થઈને મારી અહીં?

ચીરી છે મેં વનરાજી માતર

મારી સગવડતા ખાતર! 

બુદ્ધિજીવી હું ખૂબ છતાં 

મુશ્કેલી હાથે વ્હોરી લીધી 

જીવતે-જીવત મરવા ખાતર!