બક્ષીસ મા ની

જીવન બક્ષીસ મા ની, ઈશ થકી આ જગમાં,

ના જોટો ને વિકલ્પ એનો મળે આ જગમાં,

બાળ કિલકારે મુખ ખીલે મા, ભરી ઉલ્લાસે,

સ્વર્ગ છે આંગણ, પુણ્ય ઉદયે આ જગમાં,

સ્નેહ વહે સદા દૂધ સેરે, મા સીંચી રક્ત હાડે,

વેઠી પીડા આયખું ભરે આખું આ જગમાં,

અવનીનું છે અમૃત, ઈશ થઈ પાળે જાને,

હો જોડાં દેહના, ઋણ ના ફિટે આ જગમાં,

સંસ્કાર ધન આપી, દીપે સંતાન અવતારે,

વિશ્વ સામે, મા પ્રેમ પડે પાર આ જગમાં,

લેખાજોખા કર્મના હો ઘણાં, આશિષ હો પાસે,

તરાય સંસાર સાગર, હળું આ જગમાં,

સંતાન સૌ ધૂળ મા ચરણની, ફિક્કા એ સામે,

પૂજા કરે દેવ માની, છે સ્વર્ગ આ જગમાં.