બિચારી

આ કોંક્રીટના જંગલમાં, અંધારિયા એપાર્ટમેન્ટના ખૂણામાં...

હું શોધી રહી છું સલામતી...

કોણ જાણે કયો નરાધમ ગુમાવી દેશે મતિ...

ભયાનક જંગલમધ્યે રામે સીતાને તરછોડી 

લક્ષ્મણ શીદને બન્યો આજ્ઞાંકિત અપરાધી,

એ રામરાજ્ય હતું હવે અસુુુરોની આબાદી

અંધારી રાતે રહી સીતા તો સુરક્ષિત નારી,

અત્યારે ધોળેે દહાડે લૂંટાય અબળા નારી

વધી ગઈ છે ભારે સંકટોની મહામારી,

આ તારી પ્રથા તરછોડવાની નથી સારી

ફફડે બંધ પિંજરે પણ ચકલીઓ પ્યારી,

રામ તે શીદને આ પ્રથા સ્વીકારી

હર ઘરની સીતા રહે બની બિચારી.