બારી
બારી
મૂંઝાતી ને પીસાતી...
પણ સ્પર્શ સહુ જાણતી...
હા હું બારી...
જોરથી વસાય તો ફફડાટ થાય ને..
ચૂપકેથી વસાય તો સળવળાટ થાય...
એક જ સ્પર્શમાં બધુ સમજાય...
હા હું બારી...
રહસ્યો દબાવતી તો કયાંક ઉઘાડું પાડતી....
કોઈને તલપાપડ તો કોક ને સાંત્વના આપતી....
એક જ ધડાકે બંધ...
હા હું એ બારી....
ક્યાંક બંધમાં આંસુ તો ક્યાંક હરખનો હાશકારો...
ક્યાંક બેશુમાર ગમ તો ક્યાંક અઢળક ખુશી....
એક જ કાચમાં બે જિંદગી જીવતી...
હા હું એ જ બારી.