બાળપણની દોસ્તી

નથી જ્યાં કોઈ સ્વાર્થની દુનિયા,

હેતથી ભરેલા હોય સૌના હૈયા,

એ બાળપણની દોસ્તી આપણી પ્યારી !

ગિલ્લી દંડો ને સંતાકુકડી રમતા,

આંબા ડાળે કોયલ બની ટહુકતા,

એ બાળપણની દોસ્તી આપણી પ્યારી !

નાસ્તાની ઉજાણી સૌ કરતા,

પાદરને ઘર બનાવી રહેતા,

એ બાળપણની દોસ્તી આપણી પ્યારી !

મમ્મી પપ્પાથી છુપાઈને રમતા,

સંતાકુકડીની રમતમાં હસતા,

એ બાળપણની દોસ્તી આપણી પ્યારી !

ગૃહકાર્ય કાજે ભેગા મારે ખાતા,

પતંગિયાની પાછળ આપણે દોડતા,

એ બાળપણની દોસ્તી આપણી પ્યારી !

ગરમ રેતીમાં ખુલ્લા પગે દોડતા,

નદીએ નહાવા ટોળામાં ફરતા,

એ બાળપણની દોસ્તી આપણી પ્યારી !

વડલા ડાળે હિંચકા રવિવારની રજા,

જીવનની સાચી હતી એ જ મજા,

એ બાળપણની દોસ્તી આપણી પ્યારી !